Support Free Journalism
  Breaking News
প্ৰধানমন্ত্ৰীয়ে অসম-কেৰালালৈ গৈ আছে, কৃষকক সাক্ষাৎ কৰিবলৈহে সময় নাই: চিদাম্বৰম-'বংগই কেৱল নিজৰ কন্যাক বিচাৰে, ২ মে'ত মোৰ পুৰণা টুইট উলিয়াই ল'ব': প্ৰশান্ত কিশোৰ-পশ্চিমবংগত ৮টা পৰ্য্যায়ত নিৰ্বাচন- কিয় অসন্তুষ্ট মমতা বেনাৰ্জী?-প্ৰহাৰ-পলাতক-পুৰস্কাৰ-গ্ৰেপ্তাৰ: আৰক্ষীক প্ৰহাৰ কৰা বিজেপি নেত্ৰী দীপাঞ্জলি কাকতিক গ্ৰেপ্তাৰ-"শৈশৱৰ সপোন আজি বাস্তৱত পৰিণত হ'ল"- অসম আৰক্ষীৰ উপ-অধীক্ষক হিমা দাস-অসমৰ ব্ৰাহ্মণ-পুৰোহিত নহয়, বাহিৰৰ পৰা অহা শ-শ পূজাৰীয়েহে অসমত অনুষ্ঠিত কৰে মহাযজ্ঞ-জলসিঞ্চন বিভাগে বাতিল কৰিলে ২৪৬টা কণিষ্ঠ সহায়ক পদৰ পৰীক্ষা: ভবেশ কলিতাৰ ঘোষণা-অসমক আন্দোলন,হিংসাৰ বাবেহে জানিছিল, কিন্তু এতিয়া বিকাশৰ সূচনা হৈছে: অমিত শ্বাহ-'মোদী দংগাবাজ,ট্ৰাম্পতকৈও বেয়া সময়ে মোদীৰ বাবে অপেক্ষা কৰি আছে'-মমতা-এমাহ ধৰি ICUত ৰখা ৰোগীৰ মৃত্যুক লৈ পুনৰ বিতৰ্কত GNRC: ছচিয়েল মিডিয়াত সকলো কথা লিখিলে আত্মীয়ই

৩২ বছৰীয়া ৰেকৰ্ড ভংগ- ব্ৰীছবেনত দৰ্প চূৰ্ণ অষ্ট্ৰেলিয়াৰ, তৃতীয়বাৰলৈ ছিৰিজ দখল টীম ইণ্ডিয়াৰ

দ্য ষ্টেটমেন্ট : চতুৰ্থ টেষ্ট মেচৰ পঞ্চম দিনটোত ৩২৮ ৰাণৰ লক্ষ্য অতিক্ৰম কৰি নতুন অভিলেখ স্থাপন কৰিলে ভাৰতীয় ক্ৰিকেট দলে৷ ২-১ৰ ব্যৱধানত অষ্ট্ৰেলিয়াক পৰাভূত কৰি ভাৰতীয় দলে ব’ৰ্ডাৰ-গাভাস্কাৰ ট্ৰফীত চমকপ্ৰদ বিজয় সাব্যস্ত কৰিছে৷ 

আজি পঞ্চম দিনৰ আৰম্ভণি টীম ইণ্ডিয়াৰ বাবে সুখকৰ নাছিল৷ ব্যক্তিগত ৭ ৰাণ স্ক’ৰ কৰিয়ে অপেনাৰ ৰোহিত শৰ্মা পেভিলিয়নমুখী হোৱাৰ পিছত একপ্ৰকাৰ আশংকাৰ সৃষ্টি হৈছিল৷ কিন্তু তেনে সময়তে উদীয়মান ক্ৰিকেটাৰ সুবমন গীল আৰু অভিজ্ঞ তথা নিৰ্ভৰযোগ্য বেটছমেন চেতেশ্বৰ পূজাৰাই ভাৰতীয় ইনিংছ চম্ভালে৷ সুবমন গীলে ৯১ ৰাণৰ এটা সুন্দৰ ইনিংছ খেলি পেভিলিয়নমুখী হয়৷ আজিংক্য ৰাহানে ক্ৰীজক বেছিসময় টিকি নাথাকিল৷ উইকেটকীপাৰ বেটছমেন ঋষভ পান্টে ৰাহানেৰ উইকেটৰ পতনৰ পিছত ইনিংছ চম্ভালে৷ উইকেটৰ এটা মূৰে চেতেশ্বৰ পূজাৰাৰ অপ্ৰতিৰোধ্য ডিফেন্স আৰু আনটো মূৰে ঋষভ পান্টৰ এটাৰ পিছত এটা চমকপ্ৰদ ষ্ট্ৰোক৷ খেল ড্ৰ হোৱাৰ আশংক কৰা টীম ইণ্ডিয়াই এইবাৰ জয়ৰ ক্ষণ গণিবলৈ আৰম্ভ কৰিলে৷ ১৯৬টা বলত হাফ-চেঞ্চুৰী সম্পূৰ্ণ কৰি চেতেশ্বৰ পূজাৰাই কেৱল ব্যক্তিগত ৰেকৰ্ডেই গঢ়া নাছিল, উইকেটৰ এটা মূৰে এখন দেৱাল হৈ থিয় দিছিল৷ যাৰফলত অষ্ট্ৰেলিয়ান বলাৰ উপায়ন্তৰ হৈ পৰিছিল৷ 

ব্যক্তিগত ৫৬ ৰাণত চেতেশ্বৰ পূজাৰা পেভিলিয়নমুখী হোৱাৰ পিছত সমস্ত দায়িত্ব কান্ধ পাতি লয় ঋষভ পান্টে৷ ১৩৮টা বলত ৮৯ ৰাণৰ অপৰাজিত ইনিংছ খেলি ঋষভ পান্টে টীম ইণ্ডিয়াক জয়ৰ সোৱাদ দিলে৷ 

ব্ৰীছবেনৰ গাব্বা ষ্টেডিয়ামত অষ্ট্ৰেলিয়া ক্ৰিকেট দলে ৩২ বছৰ ধৰি কোনো টেষ্টত পৰাজিত হোৱা নাছিল৷ আজি যেন অষ্ট্ৰেলিয়াৰ দৰ্প-চূৰ্ণ হ’ল৷ তৃতীয়বাৰলৈ ভাৰতে ব’ৰ্ডাৰ-গাভাস্কাৰ ট্ৰফীত জয়লাভ কৰিলে৷ অষ্ট্ৰেলিয়াৰ মাটিত ২০১৮ চনত ভাৰতে প্ৰথমবাৰ ৩-১ৰ ব্যৱধানত ছিৰিজ হস্তগত কৰিছিল৷ এতিয়ালৈকে অষ্ট্ৰেলিয়াৰ মাটিত ভাৰতে মাত্ৰ দুটা টেষ্ট ছিৰিজহে জিকিবলৈ সক্ষম হৈছে৷ ১৯৯৬ চনৰ পৰা আৰম্ভ হোৱা ব’ৰ্ডাৰ-গাভাস্কাৰ ছিৰিজত ভাৰতে ১০ বাৰ জয়লাভ কৰিছে, তাৰ বিপৰীতে অষ্ট্ৰেলিয়াই ৫ বাৰ ছিৰিজ দখল কৰিছে৷ 

টীম ইণ্ডিয়াৰ চমকপ্ৰদ বিজয়ৰ পিছত দেশৰ প্ৰধানমন্ত্ৰী নৰেন্দ্ৰ মোডীয়েও দলক শুভেচ্ছা জনাই টুইট কৰিছে৷

📣আমি ভাবো যে আপুনি আমাৰ ৰিপোৰ্ট পঢ়ি ভাল পাইছে। ইয়াত ক্লিক কৰি আপুনি আমাক ফেচবুকত ‘লাইক‘ কৰিব পাৰে। আমাৰ ভিডিঅ’ ৰিপোৰ্ট চাবলৈ ইউটিউবত আমাক ‘চাবস্ক্ৰাইব’কৰক, তাৰবাবে ইয়াত ক্লিক কৰিব পাৰে।

Get real time updates directly on you device, subscribe now.