Support Free Journalism
  Breaking News
আলফা স্বাধীনৰ পত্ৰৰ পিছতেই টাটা টীৰ সিদ্ধান্ত: কৰ্পৰেট কাৰ্যালয় কলকতালৈ স্থানান্তৰ নহয়-গামোচা লোৱা নৰেন্দ্ৰ মোদীয়ে পাহৰিলে বিহু: ১৪ এপ্ৰিলত আম্বেদকাৰ জয়ন্তীৰ নামত বন্ধ, ১৫ এপ্ৰিলত বিহুৰ বন্ধ নাই-কোভিড'ৰ নীতি নিৰ্দেশনা উলংঘা কৰাৰ বাবে আৰক্ষীয়ে জৰিমনা বিহিলে দেশৰেই প্ৰধানমন্ত্ৰীক-কৰ'ণাৰ সময়ত বিহু পাতিবলৈ এইবাৰ আয়োজকে কি কি নিয়ম পালন কৰিব লাগিব?-টাটা টীক আলফা স্বাধীনৰ ভাবুকি: সকলো প্ৰশাসনিক কাৰ্যালয় অসমলৈ স্থানান্তৰ কৰি থলুৱা নিবনুৱাক চাকৰি দিয়ক-এফালে কৰ'ণা,আনফালে মূল্যবৃদ্ধি: মিঠাতেলৰ দাম বাঢ়িল ৪০-৪৫ টকা,ব্ৰইলাৰত ১০০, লোকেল মুৰ্গীত ১৩০ টকা-এখন ভৰিৰে মই বংগত জয়লাভ কৰিম আৰু দুখন ভৰিৰে দিল্লীতো জয়লাভ কৰিম:মমতা-চট্টিছগড়ত নক্সালবাদীৰ ভয়ংকৰ আক্ৰমণত শ্বহীদ দুজনকৈ অসমীয়া বীৰ জোৱান-সোনোৱালে হিমন্ত বিশ্ব শৰ্মাক গামোচা পিন্ধাই মুখ্যমন্ত্ৰী পদৰ প্ৰাৰ্থী হিচাপে শুভেচ্ছা জনালে নেকি?-যিসকলে মাস্ক পিন্ধাক লৈ কৰা মোৰ মন্তব্যক উপলুঙা কৰিছে, তেওঁলোক অসমলৈ আহিব লাগে: কিয় কলে হিমন্ত বিশ্ব শৰ্মাই

কেম্পাছৰ দাবী তোলা ছাত্ৰক কলেজৰ পৰা নিলম্বন, ঘোষণা কৰা হ’ল ‘ৰাষ্ট্ৰদ্ৰোহী’ হিচাপে

দ্য ষ্টেটমেন্ট : চিকিম, দেশৰ আটাইতকৈ সৰু ৰাজ্য ৷ চিকিমৰ সৌন্দৰ্য, স্বচ্ছতা আৰু পৰ্যটনক লৈ প্ৰায়ে চৰ্চা হয় ৷ কিন্তু এইবাৰ চৰ্চা হৈছে ছাত্ৰৰ দ্বাৰা সংঘটিত কাৰ্যক লৈ ৷ দৰাচলতে, পশ্চিম চিকিমত নিৰ্মাণ কৰা চৰকাৰী কলেজ, গেজিংগত ৪ জন ছাত্ৰক কলেজৰ পৰা নিলম্বন কৰা হৈছে ৷ কাৰণ ছাত্ৰসকলে আহ্বান জনাইছিল যে লেহেমীয়া গতিত নিৰ্মাণ হৈ থকা কলেজৰ বিল্ডিং তীব্ৰ গতিত নিৰ্মাণ হওঁক যাতে ঠাণ্ডাৰ বাবে হোৱা সমস্যাৰ পৰা তেওঁলোকে পৰিত্ৰাণ পায় ৷ তেওঁলোকে নিজৰ বিচাৰ লৈ চিকিম চৰকাৰৰ শিক্ষামন্ত্ৰী মানৱ সংশোধন বিকাশ মন্ত্ৰালয়ৰ জেষ্ঠ্য অধিকাৰীক সাক্ষাৎ কৰাৰ চেষ্টা কৰিছিল ৷ কিন্তু শিক্ষা বিভাগৰ মুখ্য সচিব জি পি উপাধ্যায়ে আৰক্ষীৰ মাতি ছাত্ৰসকলক কাৰাগাৰলৈ পঠিয়ায়  ৷ এতিয়া এই ঘটনাই সমগ্ৰ চিকিমতে উত্তপ্ত পৰিস্থিতিৰ সৃষ্টি কৰিছে ৷ 

প্ৰকৃত ঘটনা কি?

পশ্চিম চিকিমৰ চিকিম চৰকাৰী কলেজ, গেজিংগত অধ্যয়ন কৰা প্ৰায় ৩৫ গৰাকী শিক্ষাৰ্থীয়ে যোৱা ২ ফেব্ৰুৱাৰীত গ্যেংটকলৈ ৰাওনা হৈছিল ৷ তেওঁলোকে বিচাৰছিল যে কলেজ বিল্ডিঙৰ কাম তীব্ৰ গতিত সম্পন্ন হওঁক ৷ এই কথা অৱগত কৰিবলৈ তেওঁলোকে ৰাজ্যখনৰ শিক্ষামন্ত্ৰী কুংগা নীমা লেপচাৰ পৰা মাত্ৰ ২০ মিনিট সময় বিচাৰিছিল ৷ এই সকলোবোৰ ছাত্ৰ আৰ্থিকভাৱে দুৰ্বল ৷ গেজিংগৰ পৰা গ্যেংটকৰ দূৰত্ব প্ৰায় ১২০ কি:মি:, এই দূৰত্ব তেওঁলোকে নিজে খৰচ বহন কৰি অতিক্ৰম কৰিছিল ৷ ২ৰ পৰা ৫ ফেব্ৰুৱাৰীলৈ ছাত্ৰসকলে বাৰাম্বাৰ শিক্ষামন্ত্ৰীক লগ কৰিবলৈ বিচাৰিছিল যদিও সাক্ষাৎ কৰিব নোৱাৰিলে ৷ তেওঁলোকে কেৱল অতিৰিক্ত মুখ্য সচিব জি পি উপাধ্যায়ক সাক্ষাৎ কৰিবলৈ সক্ষম হয় ৷

STUDENTS OF SGC GEYZING DETAINED BY POLICE IN THE NIGHT The students of Sikkim Govt College, Gyalshing detained by…

Posted by Sikkim Progressive Youth Forum – SPYF on Friday, 5 February 2021

৫ ফেব্ৰুৱাৰীৰ ৰাতি ১০ বজাত হঠাতে আৰক্ষীয়ে ১৮ জন ছাত্ৰক গ্ৰেপ্তাৰ কৰে ৷ অতিৰিক্ত মুখ্য সচিবে দুজন ছাত্ৰ প্ৰবীণ উপ্ৰেতি আৰু প্ৰবীণ বিশনেটৰ বিৰুদ্ধে FIR দাখিল কৰে ৷ তেওঁলোকৰ ওপৰত IPCৰ ধাৰা ৩৪১, ৪৪৮, ৪৫২, ৩৫৩, ১৮৬ আৰু ৩৪ৰ ভিত্তিত গোচৰ ৰুজু কৰে ৷ ছাত্ৰসকলে দাবী কৰি কয়, “৬ ফেব্ৰুৱাৰীত আৰক্ষীয়ে দুয়োজন ছাত্ৰক আদালতলৈ নিয়ে কিন্তু হাজিৰ নকৰাকৈ থানাৰ পৰা জামিন দিয়ে ৷”

“ছাত্ৰকেইজনক হঠাতে নিলম্বন কৰা হয়”

জামিন লাভ কৰা ছাত্ৰ প্ৰবীণ উপ্ৰেতিয়ে কয়, “জামিন লাভ কৰাৰ পিছত কিছুদিনলৈ কলেজলৈ গৈছো ৷ কিন্তু হঠাত কলেজ প্ৰশাসনে ১৯ ফেব্ৰুৱাৰীৰ দিনৰ ২ বজাত কলেজৰ অধ্যক্ষক সাক্ষাৎ কৰিবলৈ মোৰ অভিভাৱকলৈ চিঠি প্ৰেৰণ কৰে ৷ ১৯ ফেব্ৰুৱাৰীত অধ্যক্ষৰ লগতে আন শিক্ষকো অভিভাৱকৰ লগত উপস্থিত আছিল ৷ কলেজ কৰ্তৃপক্ষই অভিভাৱকক কয় যে আপোনালোকৰ সন্তান আমাৰ নিয়ন্ত্ৰণত নাই ৷ আপোনালোকে তেওঁক লৈ যাওঁক ৷ আৰু আমি ৪ জন ছাত্ৰ প্ৰবীণ উপ্ৰেতী, প্ৰবীণ বিশনেট, লোকনাথ ছেত্ৰী, নকুল শৰ্মাক কলেজৰ পৰা নিলম্বন কৰিছো ৷ আমাৰ কথা নুশুনাকৈ তেওঁলোকে আমাক কলেজৰ পৰা উলিয়াই দিলে ৷ এয়া কেনেকুৱা ন্যায়? ২২ ফেব্ৰুৱাৰীত আমি কলেজলৈ গ’লো ৷ প্ৰায় ৬০ জন ছাত্ৰই কলেজ প্ৰশাসনৰ এই সিদ্ধান্তৰ বিৰোধিতা কৰিছিল ৷”

ছাত্ৰ দেশ বিৰোধী কামত লিপ্ত হৈছে: মুখ্যমন্ত্ৰী

পি এছ তামাংগে ৰাজ্যখনত চিকিম ক্ৰান্তিকৰী মৰ্চা আৰু ভাৰতীয় জনতা পাৰ্টীৰ জোঁটবন্ধন চৰকাৰৰ মুখ্যমন্ত্ৰী হিচাপে কাৰ্যনিৰ্বাহ কৰি আছে ৷ তেওঁ কয় যে ছাত্ৰসকলে ভুল কৰিছে আৰু চৰকাৰে নহয়, কলেজে তেওঁলোকক নিলম্বন কৰিছে ৷ যদি ছাত্ৰসকলে ক্ষমা বিচাৰে তেন্তে পুনৰ তেওঁলোকক কলেজলৈ উভতাই আনা হ’ব ৷ 

ইয়াৰ পূৰ্বে তামাংগে প্ৰবীণ উপ্ৰেতী আৰু প্ৰবীণ বিশনেটৰ ওপৰত দেশ বিৰোধী কামত চামিল হোৱাৰ অভিযোগ উত্থাপন কৰিছে ৷ তামাংগে ৮ ফেব্ৰুৱাৰীত এটা ৰেলীত কয়,”এই ছাত্ৰসকল ২৬ জানুৱাৰীত লালকিল্লাত আছিল ৷ তাত তেওঁলোকৰ কি কাম আছিল? এওঁলোক দেশ বিৰোধী কামত জড়িত ৷” ছাত্ৰসকলে কয় যে কৃষক আন্দোলনত চামিল হ’বলৈ তেওঁলোক দিল্লীলৈ গৈছিল কিন্তু ২৬ জানুৱাৰীত চিকিমতে আছিল ৷ কাৰণ সেইদিনাই তেওঁলোকৰ সংগঠনৰ প্ৰতিষ্ঠা দিৱস আছিল ৷ চৰকাৰ আৰু প্ৰশাসনৰ ওপৰত অভিযোগ উত্থাপন কৰি ছাত্ৰসকলে কয় যে তেওঁলোকে ভুৱা খৱৰ প্ৰচাৰ কৰি নিজৰ ভুল ঢাকিবলৈ চেষ্টা কৰিছে ৷

ছাত্ৰসকল দেশদ্ৰোহী: চৰকাৰ

চিকিম ক্ৰান্তিকাৰী মৰ্চাৰ প্ৰবক্তা জেকৱ খালিংগ ৰায়ে এই ছাত্ৰসকলক দেশদ্ৰোহী আখ্যা দিয়ে ৷ তেওঁ কয়,”ছাত্ৰসকল কৃষকৰ আন্দোলনক কিয় গৈছিল? এনেকুৱা ভাৱ হয় যে তেওঁলোকে ইনোভা গাড়ীৰে চিকিমৰ পৰা সিংঘু সীমান্তলৈ গৈছিল ৷ তেওঁলোকক খৰচ কোনে দিছিল? এই ছাত্ৰসকল ২৬ জানুৱাৰীত লালকিল্লাত হোৱা হিংসাত্মক কাৰ্যত চামিল আছিল ৷ এওঁলোক দেশদ্ৰোহী আৰু চিকিমত হিংসাত্মক কাৰ্য সংঘটিত কৰি আছে ৷ মই অনুসন্ধানকাৰী সংস্থাক এইটো বিচাৰ কৰিবলৈ আহ্বান জনাওঁ যে ২৬ জানুৱাৰীত তেওঁলোক লালকিল্লাত আছিল নে নাই ৷”

কলেজ কৰ্তৃপক্ষই কি ক’লে?

গেজিংগ কলেজৰ অধ্যক্ষ কিশোৰ কুমাৰ ৰায়ে কয়, “কলেজৰ নিয়ম-কানুন আছে ৷ এই ছাত্ৰসকলে কলেজৰ নিয়ম-কানুন উলংঘা কৰিছে ৷ সেইবাবে তেওঁলোকক নিলম্বন কৰা হৈছে ৷”

📣আমি ভাবো যে আপুনি আমাৰ ৰিপোৰ্ট পঢ়ি ভাল পাইছে। ইয়াত ক্লিক কৰি আপুনি আমাক ফেচবুকত ‘লাইক‘ কৰিব পাৰে। আমাৰ ভিডিঅ’ ৰিপোৰ্ট চাবলৈ ইউটিউবত আমাক ‘চাবস্ক্ৰাইব’কৰক, তাৰবাবে ইয়াত ক্লিক কৰিব পাৰে।

Get real time updates directly on you device, subscribe now.