Support Free Journalism
  Breaking News
প্ৰধানমন্ত্ৰীয়ে অসম-কেৰালালৈ গৈ আছে, কৃষকক সাক্ষাৎ কৰিবলৈহে সময় নাই: চিদাম্বৰম-'বংগই কেৱল নিজৰ কন্যাক বিচাৰে, ২ মে'ত মোৰ পুৰণা টুইট উলিয়াই ল'ব': প্ৰশান্ত কিশোৰ-পশ্চিমবংগত ৮টা পৰ্য্যায়ত নিৰ্বাচন- কিয় অসন্তুষ্ট মমতা বেনাৰ্জী?-প্ৰহাৰ-পলাতক-পুৰস্কাৰ-গ্ৰেপ্তাৰ: আৰক্ষীক প্ৰহাৰ কৰা বিজেপি নেত্ৰী দীপাঞ্জলি কাকতিক গ্ৰেপ্তাৰ-"শৈশৱৰ সপোন আজি বাস্তৱত পৰিণত হ'ল"- অসম আৰক্ষীৰ উপ-অধীক্ষক হিমা দাস-অসমৰ ব্ৰাহ্মণ-পুৰোহিত নহয়, বাহিৰৰ পৰা অহা শ-শ পূজাৰীয়েহে অসমত অনুষ্ঠিত কৰে মহাযজ্ঞ-জলসিঞ্চন বিভাগে বাতিল কৰিলে ২৪৬টা কণিষ্ঠ সহায়ক পদৰ পৰীক্ষা: ভবেশ কলিতাৰ ঘোষণা-অসমক আন্দোলন,হিংসাৰ বাবেহে জানিছিল, কিন্তু এতিয়া বিকাশৰ সূচনা হৈছে: অমিত শ্বাহ-'মোদী দংগাবাজ,ট্ৰাম্পতকৈও বেয়া সময়ে মোদীৰ বাবে অপেক্ষা কৰি আছে'-মমতা-এমাহ ধৰি ICUত ৰখা ৰোগীৰ মৃত্যুক লৈ পুনৰ বিতৰ্কত GNRC: ছচিয়েল মিডিয়াত সকলো কথা লিখিলে আত্মীয়ই

আঘাত, শ্লেজিং, বাউন্সাৰ, য়ৰ্কাৰ, বৰ্ণবৈষম্য…ইমানৰ পিছতো পৰাজিত নহ’ল টীম ইণ্ডিয়া

দ্য ষ্টেটমেন্ট : অষ্ট্ৰেলিয়াৰ বিৰুদ্ধে চলি থকা টেষ্ট শৃংখলাৰ দ্বিতীয়খন মেচত সোমবাৰে ভাৰতীয় ক্ৰিকেট দলে অভিলেখ স্থাপন কৰিছে৷ সন্মুখত পৰাজয় দেখিও টীম ইণ্ডিয়াই সাহসিকতাৰে যুঁজিলে আৰু নিশ্চিত পৰাজয়ৰ পৰা দল উদ্ধাৰ হ’ল৷ ক্ৰিকেট যে অনিশ্চয়তাৰ খেল, সেয়া পুনৰবাৰ প্ৰমাণিত হ’ল৷ 
সোমবাৰে সমাপ্ত হোৱা তৃতীয়খন টেষ্ট ড্ৰ’ কৰোৱাত ভাৰতীয় দলৰ কেইবাগৰাকীও খেলুৱৈৰ অৱদান মন কৰিবলগীয়া৷ বিশেষকৈ বিৰাট কোহলীৰ অনুপস্থিতিত আজিংক্য ৰাহানেয়ে দলক সু-নেতৃত্ব প্ৰদান কৰা বুলি আজি প্ৰতিগৰাকী ক্ৰিকেটপ্ৰেমীয়ে স্বীকাৰ কৰিছে৷ টীম ইণ্ডিয়াৰ সাফল্যত অৰিহণা আগবঢ়োৱা এইকেইগৰাকী খেলুৱৈৰ কথা ক্ৰিকেটপ্ৰেমীয়ে মনত ৰাখিব-

১) ঋষভ পান্ট
প্ৰথম ইনিংছত বেটিং কৰাৰ সময়ত আঘাতপ্ৰাপ্ত ঋষভ পান্টে ফিল্ডিং কৰিবপৰা নাছিল৷ অষ্ট্ৰেলিয়াই ৪০০ ৰাণৰ লক্ষ্য বান্ধি দিয়াৰ পিছত ভাৰতীয় দলৰ বাবে এয়া এক ডাঙৰ প্ৰত্যাহ্বান আছিল৷ চতুৰ্থ দিনাই টীম ইণ্ডিয়াই দুটা উইকেট হেৰুৱাইছিল৷ পঞ্চম দিনৰ আৰম্ভণিতে অধিনায়ক আজিংক্য ৰাহানে আউট হয়৷ এনে এক মুহূৰ্তত আঘাতস্বত্বেও বেটিং কৰিবলৈ আহে ঋষভ পান্ট৷ পৰাজয়ৰ দুৱাৰদলিত থিয় হৈ থকা টীম ইণ্ডিয়াৰ ভাগ্য যেন পৰিৱৰ্তন হ’ল৷ ঋষভ পান্টে মাৰমুখী বেটিঙেৰে এটা সময়ত দলক জয়ৰ দিশে আগবঢ়াই নিয়ে৷ ১২ টা বাউণ্ডেৰী আৰু ৩টা ছিক্সাৰেৰে ঋষভ পান্টে ৯৭ ৰাণৰ অনবদ্য ইনিংছ খেলে৷ 

২) চেতেশ্বৰ পূজাৰা

প্ৰথম ইনিংছত লেহেমীয়া ইনিংছ খেলি সমালোচকৰ চকুত পৰা চেতেশ্বৰ পূজাৰাই প্ৰমাণ কৰিলে যে ধৈৰ্য্যই একমাত্ৰ শক্তি৷ উইকেটৰ এটামূৰে ঋষভ পান্টে বিধ্বংসী বেটিং কৰি থকাৰ সময়তে চেতেশ্বৰ পূজাৰাই ইনিংছ চম্ভালে৷ ৭৭ ৰাণৰ ইনিংছ খেলি চেতেশ্বৰ পূজাৰা আউট হ’লেও ইতিমধ্যে বহুসময় ক্ৰীজত টিকি থাকি তেওঁ অষ্ট্ৰেলিয়াৰ উদ্যম তছনছ কৰি পেলায়৷

৩) হনুমা বিহাৰী

ঋষভ পান্ট আৰু চেতেশ্বৰ পূজাৰাৰ উইকেটৰ পতন হোৱাৰ লগে লগে টীম ইণ্ডিয়াৰ মনত পুনৰ নতুন শংকাৰ সৃষ্টি হ’ল৷ ক্ৰীজলৈ আহিল হনুমা বিহাৰী৷ হেমষ্ট্ৰিং ইনজুৰীৰ ফলত পেইন কিলাৰ খাই হনুমা বিহাৰীয়ে ক্ৰীজত টিকি থাকিল৷ ১৬১টা বলত ২৩ ৰাণ স্কৰ কৰি মেচখন ড্ৰ’ কৰোৱাত হনুমা বিহাৰীয়ে উল্লেখযোগ্য অৱদান আগবঢ়ালে৷ 

৪) ৰবিচন্দ্ৰন অশ্বিন

টীমৰ বহুকেইজন খেলুৱৈয়ে আঘাত পোৱাৰ পিছত অন্তিম দিনা পৰাজয়ৰ পৰা দলক উদ্ধাৰ কৰাৰ গুৰুদায়িত্ব কান্ধপাতি ল’লে আৰ অশ্বিনে৷ হনুমা বিহাৰীক সুন্দৰ সহযোগিতা আগবঢ়াই দলক পৰাজয়ৰ পৰা উদ্ধাৰ কৰিলে অশ্বিন-বিহাৰী যুটীয়ে৷ 

৫) ৰবীন্দ্ৰ জাডেজা

ৰবীন্দ্ৰ জাডেজাই প্ৰথম ইনিংছত ভাল বেটিং কৰাৰ পিছত বলিঙ কৰিও চাৰিটা উইকেট দখল কৰে৷ অষ্ট্ৰেলিয়াৰ হৈ ইনিংছ চম্ভালা ষ্টীভ স্মিথক ৰাণ-আউট কৰি ৰবীন্দ্ৰ জাডেজাই অষ্ট্ৰলিয়াই বিশাল স্কোৰ কৰাত বাধা হৈ থিয় দিলে৷ কিন্তু ফিল্ডত আঘাতপ্ৰাপ্ত ৰবীন্দ্ৰ জাডেজাই বেটিং কৰাত অনিশ্চয়তাই দেখা দিছিল৷ বিষ নিৰ্মূলৰ ইনজেকশ্যন লৈ জাডেজা বেটিঙৰ বাবে সাজু হৈছিল আৰু এই দৃশ্যই ক্ৰিকেটপ্ৰেমীৰ মন ভৰাই তুলিছিল৷ 

এইদৰে টীম ইণ্ডিয়া আজি সংঘবদ্ধ প্ৰচেষ্টাৰ ফলত নিশ্চিত পৰাজয়ৰ পৰা ৰক্ষা পৰে৷ দৰ্শকে ছচিয়েল মিডিয়াত লিখিছে যে বহুদিনৰ বিৰতিত ক্ৰিকেটপ্ৰেমীযে প্ৰকৃত টেষ্ট মেচৰ সোৱাদ লাভ কৰিলে৷

📣আমি ভাবো যে আপুনি আমাৰ ৰিপোৰ্ট পঢ়ি ভাল পাইছে। ইয়াত ক্লিক কৰি আপুনি আমাক ফেচবুকত ‘লাইক‘ কৰিব পাৰে। আমাৰ ভিডিঅ’ ৰিপোৰ্ট চাবলৈ ইউটিউবত আমাক ‘চাবস্ক্ৰাইব’কৰক, তাৰবাবে ইয়াত ক্লিক কৰিব পাৰে।

Get real time updates directly on you device, subscribe now.